Кама ягы
  • Рус Тат
  • Район мәдәният йортында Ватанны саклаучыларны хөрмәтләделәр

    Ватанны саклаучылар көненә багышланган бәйрәм концертында «1941-1945 еллардагы Бөек Ватан сугышында Җиңүгә 75 ел» юбилей медальләре тапшырылды.

    Лаеш районы Башкарма комитеты җитәкчесе Илдус Зарипов һәм Советлар Союзы Герое Борис Кузнецов бәйрәмнең мәртәбәле кунаклары булды. Илдус Фатыйхович һәм Борис Кириллович район мәдәният йорты холлында ачылган күргәзмә белән таныштылар. Анда сугыш темасына багышланган китаплар, шулай ук Бөек Ватан сугышы ветераннарына багышланган әдәбият тәкъдим ителде. Биредә үк хәрбиләрнең кием элементлары турында белергә, сугыш елларының открыткаларын һәм фотосурәтләрен, хәрби техника модельләрен карарга мөмкин иде.

    -Без яу кырында илебезне саклаучыларны хөрмәтлибез, - дип мөрәҗәгать итте тантана кунакларына район җитәкчесе. - Безнең ветераннар - үсеп килүче буын өчен патриотизм үрнәге. Без үзебезнең сугышчыларыбызны аз югалтмадык, әмма һәрчак Ватанны саклау – һәркемнең изге бурычы икәнен истә тотачакбыз. Илебез сугыш дәһшәтләрен башка беркайчан да белмәсен.

    Бүләкләрне мәгариф хезмәткәрләре, хәрби комиссариат хезмәткәрләре, ветераннар иҗтимагый оешмалары әгъзалары алды. Борис Кузнецов аерым рәхмәткә лаек булды. «1941-1945 еллардагы Бөек Ватан сугышында Җиңүгә 75 ел» юбилей медальләрен тапшыру бүләкләү тантанасының кульминациясе булды.

    - Ватаныбызның бөек бәхете шунда ки, без аны 75 ел элек саклап кала алдык, - диде Советлар Союзы Герое. – Җиңү өчен 27 миллион кеше башын салды, әмма илебез, аның кешеләре дошманны җиңеп чыктылар. Яшьләрнең патриотизм һәм туган җиргә мәхәббәт рухында тәрбияләнүе дә мөһим. Яшь буын Россия иминлеге өчен теләсә нинди бурычны үтәргә әзер дип ышанам.

    Бәйрәм концерты илебезнең тынычлыгы сагында торучылар өчен матур һәм якты тамаша булып истә калды. Сәхнәдән сугыш еллары җырлары һәм Лаеш төбәгенең мәдәни мирасының барлык байлыгын чагылдыручы музыка яңгырады. Концерт кунаклары өйләренә яхшы кәеф белән кайтып киттеләр.

    - Тыныч күк йөзе сезгә, кадерле сакчыларыбыз! – сәхнәдән шундый теләкләр яңгырады.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: