Әй гөрләде Сабантуй!

Габишевога олы кунаклар килде: Лаеш район башлыгы Михаил Афанасьев, Дәүләт Думасы депутаты Фатыйх Сибагатуллин, Ак барс холдинг компаниясе директоры Иван Егоров, Татарстан Республикасы төзелеш, архитектура һәм торак-коммуналь хуҗалык министры урынбасары Владимир Кудряшев. Алар җыелган кешеләрне бәйрәм белән котладылар, күтәренке кәеф һәм мул тормыш теләделәр. Төрледән төрле программа һәр кешенең теләгән күңел ачуын сайлау мөмкинлеге бирде. Уеннар һәм ярышларда җиңүчеләр һәм актив катнашучылар призлар алдылар. Бәйрәм озак дәвам итте – берсе дә өенә ашыкмады.

Районның башка авылларында да Сабантуйлар кызыклы булды.

Урта Девятово, Татар Сараланы, Орел һәм Нармонка мәдәният йортлары аны Каипы һәм Габишево кунаклары белән үткәрде. Үзешчән сәнгатьтә катнашучылар бай концерт программасы әзерләгәннәр. Гадәттәге милли уеннарда бар кеше катнашты, яшь комачау итмәде. Капчык киеп йөгерү, аркан тарту, капчык белән сугышу һәм башка көч сынашуларда катнашучылар күп булды.

Кече Елгада Габделфәт Хәйруллин Сабантуйның баш батыры булды.