Зөһрә Лезина: “Мәйданчыкны Вера Баннова исеме белән атарга тәкъдим итәбез”

Вера Андреевнаны яхшы белгән кешеләр аның туган көненә җыелдылар. Алар Лаеш шәһәрендә яшәгән, иҗтимагый территориаль үзидарә рәисен, ТРның атказанган мәдәният хезмәткәрен искә алдылар, аңа 2021 елның 6 ноябрендә 77 яшь булган булыр иде.

Вера Андреевна истәлегенә “С песней по жизни” ансамбле оешкан. Аның башкаруында Вера Андреевна иҗат иткән җыр яңгырады. Ул сүзләрен дә, көен дә үзе язган.

-Шәһәрдәге мәйданчыкларның берсенә Вера Баннова исемен бирергә, аның исемен мәңгеләштерергә телибез, - дип сөйли А.Денежкин исемендәге Шәфкатьлелек ордены рәисе Зөһрә Лезина. -  Бу кеше безнең район өчен һәм шәһәр өчен күп эшләде. Откан грант акчаларына балалар мәйданчыклары урнаштырды. Ветераннар белән күп эшләде – алар өчен экскурсияләр, театрларга сәяхәтләр оештырды. Урам көннәре, Лаеш районының үзешчән артистлары һәм рәссамнәре белән очрашулар оештырды, яшьләр алдында чыгыш ясады. Вера Баннова исемен бирәсе килгән мәйданчык “Березка” балалар бакчасыннан ерак түгел. Анда балалар мәйданчыгы, чыгыш ясау өчен урын бар. Аны төзекләндерделәр, куаклар утырттылар, асфальт җәйделәр. Анда утырырга да урын бар. Урыны да яхшы. Рәшәткә генә кирәк. Без ул мәйданчыкка чәчәкләр утыртыр, аларны карар идек.  Гомеренең соңгы көненә кадәр актив тормыш позициясен саклаган Баннова Вера Андреевна аның исемен мәңгеләштерүгә лаек дип уйлыйбыз. Үзебезнекеләрне, лаешныкыларны онытырга ярамый...