Камская новь
  • Рус Тат
  • Тәрбиягә алган балалар үзеңнекенә әйләнә

    Усадыда яшәүче Алсу Вәлиева, тормыш кыенлыкларына карамастан, үзендә тәрбиягә алган биш баланы тәрбияләрлек көч таба. 2008 елда Алсу Фәвәрист кызының ире бик авыр җәрәхәт ала. Табиблар аның тормышы өчен көрәшкәндә ул үзенә сүз бирә: әгәр ире савыга икән, балалар йортыннан тәрбиягә бала алачак. -Гаилә елында тормышлары болай да авыр булган...

    Усадыда яшәүче Алсу Вәлиева, тормыш кыенлыкларына карамастан, үзендә тәрбиягә алган биш баланы тәрбияләрлек көч таба.

    2008 елда Алсу Фәвәрист кызының ире бик авыр җәрәхәт ала. Табиблар аның тормышы өчен көрәшкәндә ул үзенә сүз бирә: әгәр ире савыга икән, балалар йортыннан тәрбиягә бала алачак.

    -Гаилә елында тормышлары болай да авыр булган балаларны бәхетле итәсе килде, - дип искә ала Алсу Вәлиева. - Ул чакта финанслар балалар йортыннан тәрбияләнүчеләр алырга мөмкинлек бирә иде. Кызыбыз Венера да энеләре һәм сеңелләре булуга каршы килмәде.

    Дүрт ел эчендә Вәлиевлар гаиләсендә биш малай һәм кыз барлыкка килә, алар тиз арада үзләренекенә әйләнә һәм "әти", "әни" дип әйтергә өйрәнә.

    -Без балаларны Казан, Яшел Үзән һәм Нурлат балалар йортларыннан алдык, - дип сөйли Алсу Фәвәрист кызы. - Икесен Коми Республикасыннан алып кайттык. Балалар төрле: кемдер тыныч һәм оялчан, ә кемдер, киресенчә, гаугалы һәм тиктормас. Без барыбыз бергә тату яшибез.

    Мондый зур гаиләне тәрбияләү - авыр хезмәт, өстәвенә, физик мөмкинлекләре чикләнгән балалар да бар. Вәлиевлар читләрдән ярдәм көтмиләр һәм килеп чыккан кыенлыкларны үз көчләре белән җиңәләр.

    -Һәр баланың үз бүлмәсе булсын өчен өйне ирем белән бергә үзгәртеп төзедек, - ди күп балалы әни. - Эш катлаулы, әмма без аны башкарып чыктык. Хәзер балалар үсә төште, алар безгә ярдәм итәргә тырышалар. Кызлар савыт-саба юа, малайлар кар көри.

    Ике ел элек Алсу Фәвәрист кызының ире вафат була. Ул башланган игелекле эшне мөстәкыйль төстә дәвам итә.

    -Мин Казанда балалар бакчасында тәрбияче булып эшлим, - дип сөйли Алсу Вәлиева. - Акча, бигрәк тә вакыт җитеп бетми, әмма мин барысын да башкарып чыгарга тырышам. Туганнар ярдәм итә: утын яралар, бакча казыйлар. Балаларның ни белән дә булса мәшгуль булуын телим: алар секцияләргә һәм түгәрәкләргә йөриләр. Гомумән алганда, без иҗади гаилә, җырлау белән мавыгабыз. Моның өчен район фестивальләре дипломнарын бер генә алмадык.

    Вәлиевлар йортының стеналары бүләкләр һәм мактау грамоталары белән бизәлгән. Күп балалы ананың тырышлыгы эзсез үтмәгән.

    -Узган ел "Ел хатын-кызы" республика конкурсы финалисты булдым, - дип сөйли Алсу Вәлиева. - Ә тиздән Санкт-Петербургка, Бөтендөнья татар конгрессына барам.

    Хәл итүне көтүче проблемалар да бар. Өйдә төтен торбасы су үткәрә башлаган, шуның аркасында җылыту белән өзеклекләр килеп чыга.

    -Безгә өй салу өчен җир участогы бүлеп бирделәр, әмма безнең моңа акчабыз юк, - дип борчу-мәшәкатьләре белән уртаклаша Алсу Фәвәрист кызы. - Зур, иркен йортта яшисе килә, әлбәттә, әмма әлегә бу безнең көчебездән килми. Мин зарланмыйм - без һичшиксез булдырачакбыз!

    Тәрбиягә алган биш балага ана булган ханым якын арада тагын бер баланы тәрбиягә алырга җыена.

    -Мондый гамәл кылырга - тәрбиягә бала алырга һәркем дә карар кыла алмый, - Алсу Вәлиева үз үрнәгенә иярергә теләүчеләргә киңәшләр бирә. - Моның өчен бик зур эчке көч кирәк. Кәгазь чуалчыклыкларын һәм көнкүреш мәсьәләләрен хәл итәргә була. Ә менә тирә-яктагылар еш кына сезне адекват кабул итмәскә мөмкиннәр. Тәнкыйтьлиләр, гаеплиләр, моның белән акча аркасында шөгыльләнәсез дип сөйлиләр. Мөгаен, моның киресен исбатларга да туры килер. Психологик яктан катлаулы булган күп кенә хәлләр аша узарга кирәк булыр. Мин - көчле кеше, бар мәсьәләләрне ерып чыгам. Кычкырмыйм, җәнҗал күтәрмим, барысын да тыныч юл белән хәл итәм. Тәрбиягә бала алган башка гаиләләргә дә ярдәм итәм - минем бу өлкәдә тәҗрибәм зур.

    Безнең заманда, һәркем шәхси файда артыннан куганда, Алсу Вәлиева кебек киң күңелле һәм олы йөрәкле, үзләрен игелекле эшләргә - беркемнеке дә булмаган балаларны үзенеке итүгә багышлаган кешеләр калган әле.

    Нравится
    Поделиться:
    Реклама
    Комментарии (0)
    Осталось символов: