Февраль яңгыры чаңгычыларга комачауламый

Лаеш техник-икътисад техникумында өстәл теннисы һәм чаңгы ярышлары буенча урта һөнәри белем бирү учреждениеләре укучыларының III Спартакиадасының зона этабы үтте.

Татарстанның өч зонасыннан 17 район спортчылары көчләрен һәм чыдамлыкларын күрсәттеләр. Акрын гына явып торган яңгыр һәм җил чаңгы ярышы үткәрү өчен киртә булмады.

ЛТЭТ студентлары яхшы нәтиҗәләргә иреште. Алар теннис буенча ярышларда икенче команда урыны, ә чаңгы ярышларында өченче команда урыны алдылар. 3 курс студенты Ольга Тимофеева аерылып торды. Ул классик стильдә лидер, ә ирекле стильдә көмеш призер булды.

Хушлашканда район кунаклары, ә алар 190 тирәсе иде, ЛТЭТ ка яхшы һәм җылы кабул итүләре өчен рәхмәт әйттеләр.