Спорт дөньясында

Лаеш районы самбочылары республика ярышларында уңышлы чыгыш ясадылар.

Февральнең соңгы көннәрендә Казанда самбо буенча СССРның спорт мастеры Казицин истәлегенә багышланган турнир булды. Аңа 180 нән артык спортчы килде. Республика шәһәрләреннән һәм районнарыннан 15 команда вәкилләре катнашты. Безнең район данын балалар-үсмерләр спорт мәктәбе укучылары яклады.

Ярыш йомгаклары буенча үз үлчәү категорияләрендә Руслан Мәхмүтов һәм Булат Дәминов бронза призерлар булдылар.

Спортчыларның тренерлары Роберт Борһанов һәм Ранил Галиәкбәров.