Авыл җирлекләреннән яхшы яңалыклар

Үзгәрешләрнең район үзәгендә генә түгел, авыл җирлекләрендә дә булып торуы куандыра.

1. Орловка авыл җирлегендә яңа ФАП бинасы төзү өчен беренче субай сугылган.

2. Нармонка авыл җирлегендә Мишә елгасы буенда зур өмә булып узды. Ел саен ярлардан ял итүчеләр үз артларыннан калдырган тонналаган чүп-чар чыгарыла.

3. Егорьевка авыл җирлегендә Бима авылында Заовражная урамында юл-урам челтәрен төзекләндерү эшләре башланды. Быел бу участокта ике километрга якын юлны ремонтларга планлаштыралар. 

4. Хәерби авыл җирлегендә Хәерби авылы халкы туган авыллары турында китап бастырдылар. “Бу идея 50 ел яшәде”, - ди Роза Кушмина, ул әлеге игелекле эштә инициативалы кешеләрне берләштерә алган.