Хәрби бурыч - барыннан да югары

Антон Голубев фотосы

Россиянең Төньяк Кавказ төбәгенә хезмәт-хәрби бурычларны үтәү, шул исәптән контртеррористик операцияләрдә (КТО) катнашу өчен көч структуралары хезмәткәрләрен командировкалыйлар.

Грозный шәһәре янында Ханкала поселогында (Чечня Республикасы) Россиянең Төньяк-Кавказ төбәге территориясендә террорчыларга каршы операцияләр үткәрү буенча гаскәрләрнең (көчләрнең) Берләштерелгән төркеме урнашкан. Ул барлык көч министрлыклары һәм ведомстволары базасы: полиция, Росгвардия, авиация, танк частьләре... Шунда ук Россия ЭЭМ эчке эшләр органнарының вакытлыча оператив төркеме Идарәсе дә урнашкан.

Белешмә өчен:

1999 елның августында Дагыстанга Чечня территориясеннән Шамил Басаев һәм гарәп ялланып сугышучы Хаттабның гомуми командалыгы астында боевикларның күпләп һөҗүм итүе була. Шулай итеп икенче Чечня сугышы башлана. Террорчыларга каршы нәтиҗәлерәк көрәшү өчен гаскәрләрнең (көчләрнең) Берләштерелгән төркемен төзү турында карар кабул ителә.

Хәзер полициянең командировкага җибәрелгән хезмәткәрләре Төньяк Кавказ төбәгенә отрядлар белән, шулай ук ялгыз да бара. Мәсәлән, Татарстаннан отряд Дагыстан Республикасының таулы районында Шамилькала поселогында хезмәт итә, ул Дагыстан һәм Россия халыкларының туганлыгын символлаштыра. Бу поселок сусаклагыч, ГЭС һәм башка объектлар төзүчеләр аркасында барлыкка килде. Бирегә матур поселок төзү һәм төзекләндерү өчен бөтен Россиядән белгечләр килде. Дагестанлылар моны хәтерли, шуңа күрә командировкага килгәннәргә мөнәсәбәт җылы, хөрмәтле.

- Минем төп отрядтан аерым бардым. 2021 елның 3 гыйнварыннан 1 июленә кадәр командировкада булдым, - дип сөйли Лаеш районы ЭЭБ начальнигы урынбасары Антон Голубев. - Нигездә, Ханкалада булдым, ләкин Төньяк Кавказ төбәге районнарына да барырга туры килде. Россиянең төрле почмакларыннан килгән башка эчке эшләр хезмәткәрләре белән беррәттән контртеррористик операциядә (КТО) катнаштым. Хәзер КТОга бөтен кеше дә җәлеп ителми, чөнки хәзер бу режимны элеккеге кебек масштабта түгел, ә аерым участокларда гына кертәләр. Контртеррористик операция режимы игълан ителгән булса, полиция хезмәткәрләре законлы нигезләрдә биналарга хуҗалар рөхсәтеннән башка керә, техниканы, кешеләрне туктата һәм тикшерә ала. КТОны, нигездә, тау районнарында кертәләр. Сугыш нәтиҗәләре үзен сиздерде. Фаҗигале вакыйгалар кабатланмасын өчен катгый контроль кирәк. Шуңа күрә җирле полицейскийлар анда чикләнмәгән диярлек хокукларга ия, бигрәк тә Чечня һәм Ингушетиядә.

Хәзерге вакытта Антон Голубев Россия ЭЭМның Лаеш районы бүлегендә үзенең хезмәт вазифаларын башкаруга кереште.

-Мин үз эшемне яратам. Бу чын ир-атлар эше, - диде Антон Голубев. - Без тәртип сагында торабыз, кешеләрне яклыйбыз. Хезмәт, әлбәттә, катлаулы. Әмма кайбер өстенлекләр бар һәм югары хезмәт хакы, сүз уңаеннан, ул 2023 елдан берничә тапкырга артачак. Шулай булгач, теләгегез булса, безгә хезмәткә килегез. Бары исегездә тотыгыз, без «Бурыч барыннан да югары» принцибы буенча яшибез.

Реклама хокукында