Күп балалы гаиләләрдәге балаларга комлыклар бүләк иттеләр

Социаль яклау бүлегенең гаиләләргә һәм балаларга ярдәм итү бүлекчәсе  һәм “Алтын көз” халыкка комплекслы социаль хезмәт күрсәтү үзәге белгечләре күп балалы ике гаиләдә булдылар, аларның берсендә дүрт, ә икенчесендә мәктәпкәчә яшьтәге алты бала тәрбияләнә. Бәләкәчләргә матур уенчыклар бүләк иттеләр.

Хәйрияче – Лаешта яшәүче Александр Дорофеев балаларга үз куллары белән юкә такталардан ясаган матур комлыклар бирде. Ул оныгы Влад белән шунда ук аны урнаштырды һәм ком белән тутырды.

Балаларның күзләре ут булды. Бүләк ителгән яңа уенчыкларны тотып, бәләкәчләр куанышып комнан мәмиләр пешерергә тотындылар. Хәзер алар саф һавада күбрәк уйный алалар.