Лаеш шәһәренең 1 нче гимназиясендә беренче сыйныф укучыларын Россия Бөркетләренә багышладылар.

Россия бөркетләре үз сафларын тулыландырды.

Тантанада чакырылган кунаклар һәм Лаеш районының «Беренчеләр хәрәкәте» җирле бүлекчәсе җитәкчесе Илмира Аюкаева катнашты, ул үзенең хис-кичерешләре һәм үгет-нәсыйхәт сүзләре белән уртаклашты.

Беренче хәрәкәттә катнашучылар балаларга дуслыкның, үзара ярдәмләшүнең һәм белемгә омтылуның мөһимлеге турында сөйләделәр.

— Һәр беренче сыйныф укучысы Бөркетләр сафына керүләрен символлаштырган значок һәм таныклык алды. Бу күңелле бүләк кенә түгел, яңа казанышларга һәм ачышларга таба мөһим адым да, — дип шәрехләде гимназия директоры Эльмира Абутдинова.

— Беренче сыйныф укучыларыбызны шушы мөһим вакыйга белән котлыйбыз! Гимназиядә һәр көн шатлык, яңа белемнәр белән тулы булсын.