Лаешта ризык өләшү пункты атнага алты көн эшли

Лаештагы «Кеше приюты» ның эш принцибы Татарстан Республикасының башка 30 торак пунктындагы кебек үк, әмма бер үзенчәлеге бар. Тәрбияләнүчеләргә ризыкны адреслы тараталар, чөнки ярдәм алучылар арасында ялгыз яшәүче картлар, инвалид пенсионерлар һәм тумыштан хәрәкәт итүләре аз булган кешеләр бар. Аларга сәламәтлекләре буенча чикләүләр аркасында павильонга барып җитү җиңел түгел, шуңа күрә аны волонтерлар Лаеш һәм Иске Пристань буйлап ташыйлар. 

Шулай ук ризык тарату пунктына мөстәкыйль рәвештә килгән кешеләр дә бар. Пунктта аларны Фирдания апа көн саен елмаеп каршы ала. Ул Лаеш «Кеше приюты» ачылышыннан бирле, ягъни 2023 елдан бирле эшли. 

Беренче пунктлар Казанда 2018 елда барлыкка килде. Бүген «Кеше приюты» мохтаҗларга ярдәм итүен дәвам итә. Проект эшли һәм масштаблана. Пунктлар саны арта. Озакламый Лаеш районының Усады авылында тагын берсен ачу планлаштырыла. Димәк, волонтерларның игелекле йөрәкләре һәм кайгыртучан куллары кирәк булачак.
Бүген блогерлар, барберлар, телевидение алып баручылары «Кеше приюты» ның дуслары булдылар. Кешеләр ризык, әйберләр, техника китерә. Кайберәүләр мохтаҗларны ашаталар. 

Инициатив эшмәкәрләр аларның нәрсә белән файдалы булуы һәм ярдәм күрсәтүдә үзләре ничек катнаша алуы белән кызыксына.
Казанда ризык таратудан башланган проектның 6 ел эшләү дәверендә кешеләрнең күп кенә катлаулы тормыш тарихлары билгеле булды. «Кеше приюты» инициаторлары һәм волонтерлар җилкәсендә зур эш. Әмма иң мөһиме, проектның фикердәшләре күп. Проектка җирле башкарма хакимият органнары ярдәм күрсәтә.

Волонтерлар бөек һәм игелекле эшне зур дус команда белән эшлиләр. Хәйриячеләр шулай ук мөмкин булганча ярдәм итәләр. 
Без Лаешта кеше приюты волонтерлары белән бер көн үткәрдек. Приют активистларына без дә кушылдык. Аларга һәр йортта шатландылар. Тәрбияләнүчеләрнең берсе шигырь укыды, һәм Лаештагы «Кеше приюты» тәрбияләнүчеләре турындагы бер репортажга бөтен материалны сыйдырып булмавы ачыкланды.