Лицей укучылары «Тарихны саклаучылар» булды

Ватан Геройлары көне алдыннан уку йортының актлар залына җиденче-тугызынчы сыйныф укучылары — «Алдынгылар хәрәкәте» активистлары, төрле иҗтимагый берләшмәләрдә һәм форумнарда катнашучылар җыелды.

-Декабрь башында Татарстанда Бөтенроссия «Тарихны саклаучылар» проектына старт бирелде, ул «Патриотизм һәм тарихи хәтер» юнәлешендә тормышка ашырыла. Аның максаты — тарихи мирасны саклау өчен Туган илебез тарихына, кече туган илләрен өйрәнү һәм популярлаштыруга битараф булмаган кешеләрне берләштерү, шулай ук Ватан геройларына хөрмәт тәрбияләү дә, — дип мөрәҗәгать итте җыелучыларга лицейның «Алдынгылар хәрәкәте» башлангыч бүлек совет рәисе — тугызынчы сыйныф укучысы Ислам Әхмәдуллин.

Чара «Тарихны саклаучылар» юнәлешендә эшләгән әгъзалар эше турында видеофильм карау белән дәвам итте. Лицей укучыларына якташыбыз — Татарстанның Лениногорски улы Дамир Исламов батырлыгы турында сөйләделәр. Ул хәрби — Казан югары танк училищесын тәмамлаган, гвардия өлкән лейтенанты махсус операциядә катнаша. 2022 елның мартында Золотое шәһәре ныгыту районын штурмлаганда ул танк экипажы составында дүрт танкны, дотны һәм дошманның 10 кешесен юк итә. Сугыш барышында россия танкына снаряд эләгә, экипаж һәлак була.

Лениногорскиның аның исемен йөрткән № 6 мәктәбе территориясенә геройның бюсты куелган.

-Әйдәгез, тарихны бергәләп саклыйк! Сез алып барган һәм алып барачак эш сезне рухландырсын һәм яңа лаеклы эшләргә әйдәсен, — дип басым ясады "Алдынгылар хәрәкәте«нең Лаеш районы җирле бүлеге рәисе Ильмира Аюкаева.
Лицей директорының тәрбия эшләре һәм иҗтимагый оешмалар белән эш алып бару буенча киңәшчесе, «Алдынгылар хәрәкәте» башлангыч бүлеге остазы Риат Хәбибрахманов балаларга үз теләкләрен җиткерде.

-«Тарихны саклпаучылар» — хәрәкәт юнәлешләренең берсе, анда катнашучылар һәйкәлләрне һәм мемориалларны торгызалар һәм карап торалар, безнең батыр бабаларыбыз һәм якташларыбыз турында тарихны саклыйлар, — дип билгеләп үтте Риат Җәгъфәр улы. —Без Бөек Ватан сугышы геройлары, Россия геройлары турында тарихи хәтерне саклап яшибез һәм аларның батырлыклары белән горурланабыз. Ә бүгенге укучылар киләчәктә безнең иксез-чиксез илебездә эшләячәкләр һәм аны үстерәчәкләр. Чөнки үткәннәрне белү яхшы киләчәк төзүдә булышачак.

Балалар түгәрәкләр ясап тарихка тугры булырга, Туган илне саклаучылар хәтерен хөрмәтләргә һәм Ватан геройлары батырлыкларын онытмаска, күп милләтле илебезнең мәдәни мирасын һәм гореф-гадәтләрен сакларга сүз бирделәр. Лицейның «Алдынгылар хәрәкәте» советы әгъзалары аның яңа катнашучыларына хәрәкәт символикасы булган ал значоклар тапшырдылар.

-Шушы вакыттан сезгә «Тарихны саклаучылар» миссиясе йөкләнде. Бу исемне намус белән һәм горурланып йөртегез, — диде Ислам Әхмәдуллин «Алдынгылар хәрәкәте» флешмобыннан соң. — Шушы минуттан без — хәтерне саклаучылар, чөнки кешеләр турында хәтер исән булганда алар исән!