Кама ягы

Лаеш шәһәре

18+
Рус Тат
2024 - год Семьи
җәмгыять

Сугыштан соң туган балалар

Җиңүнең 75 еллыгына карата мин,Билалова Фәридә Фахриевна шигырь язган идем. Ләкин андый тантана булмады,шуңа күрә сезгә мөрәҗәгать итәм бу язмамны “Кама ягы” газетасында бастырып чыгара алмассыз микән. Сезгә зур ихтирам белән Фәридә Билалова

Сугыштан соң  туган балалар без,

Ләкин без дә күрдек сугыш нуҗасын.                     

Һәрбер өйгә керсәң  , ялгыз ана,                                                                                                   

Ятим бала сыкрап ятканын.

Сугыштан яраланып кайткан  әтием ,  

Һәр кич удыра иде яралы аягын.  

Ә мин курка идем пуля тишегеннән,                                                                                       

Гүя күрә идем канлы күз карап торганын.

Үсеп җиткәч - күрә идем:протезларын салгач,                                                                   

Сабый бала булып калганын.     

Үрмәләп телевизор каршысына килеп,                                                         

Фашист күрсә, т т т т т дип атып ятканын.

Ирем тарихчы булса да ,                           

Яратмады сугыш киносын.                               

Исемдә: үлгән солдат күрсә,                                                                                           

Миңа охшаганмы дип сораганын.                   

Үзем күрдем, үз күзләрем белән ,                                                                          

Кулсыз Габдулла абый                                                                                                                            

Ничек итеп печән чапканын.                                                                                 

Кулсыз беләгенә чалгы сабын   -                                                                                               

Сыңар кулы белән покос салганын .

Бер көн күрдем сукыр Габдулла абый    

Түбә өсте ямап ятканын                                                                                                             

Үзем дә сизми калдым: баскыч буйлап менеп,                                                                

Кымшанма да, Габдулла абый, дип кычкырганым.

“Сез сугышны күрмәдегез”, - дип                                                                                    

Яраталар өлкәннәр әйтергә .     

Без күргәннәр дә җитәрлек икән бит ,                                             

"Сугыш канлы күзле вәхши, “- дип әйтергә.

 

Фәридә Фахриевна Билалова  язмасы

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев