Туган тел! Бу сүз һәркем өчен кадерле, газиз!

Тел – ананың балага зур бүләге. Кешегә нәселенең, халкының асыл сыйфатларын иң әувәл тел тәме, тел кодрәте ярдәмендә ана бирә. Туган телне белү кирәк. Чөнки туган телдә синең әби-бабаларың, әти-әниләрең, халкың сөйләшкән һәм сөйләшә. Туган телгә хөрмәтле булганда гына кеше үз иленең, төбәгенең, гаиләсенең шәҗәрәсен, тарихын аңлый ала. Тел бетсә, ул телнең иясе булган халык та, милләт тә югала. Шуның өчен дә туган телен кадерләп саклау, үстерү, аның сафлыгы, матурлыгы өчен көрәшү – һәр кешенең изге бурычы.

Атабай мәдәният йортында туган тел һәм халыклар бердәмлеге елына багышланган "Теле барның иле бар" дип аталган шигырь кичәсе узды, килгән кунаклар үзләре язган шигырьләрен укыдылар, кичәбез "Туган тел" жыры белән тәмамланды.