Автомобиль көпчәге астына эләккәннәр

Россия ЭЭМның Лаеш районы ЮХИДИ бүлеге хәбәр иткәнчә, узган атнада Лаеш районында өч тапкыр җәяүлеләрне бәрдергәннәр.

Ике очракта фаҗигаләр тәүлекнең караңгы вакытында килеп чыккан. Зыян күрүчеләр юл буйлап яктылык кайтаргыч элементларсыз барганнар. Бәхеткә каршы җиңелчә бәрелү белән генә котылганнар.

Өченче вакыйга көндез була: Смолдеярово кешесе җәяүлеләр чыгу урынына игътибар итми. Нәтиҗәдә сул ботын сындыра, аны РКБга алып китәләр.

Тулырак мәгълүматны газета сайтының "Иминлек" рубрикасыннан укыгыз.