Безнекеләрне бел Лаеш районының алтын тавышы

Лаеш районының алтын тавышы

Берничә көн элек Кече Елгадан җырчы Нурзидә Вәлиуллина "Татар моңы" конкурсы җиңүчесе булды. Ул "Кама ягы"н укучыларга тәэсирләре турында сөйли.

Кыз кечкенәдән җырлау белән мавыга. Ул музыкаль конкурсларда бер генә катнашмый. Нурзидә "Ягымлы яз", "Дулкыннар", "Йолдызлык", "Студенческая осень", "Национальное достояние" һәм башка фестивальләр лауреаты һәм дипломанты була.

-Һәр концерт - ул онытылмаслык мизгелләр һәм көчле тәэсирләр, - дип сөйли җырчы. - Ә һәр конкурс әле гаять зур тормыш тәҗрибәсе дә.

Яшь башкаручыларның "Татар моңы" халыкара телевизион конкурсы артистка өчен бик җаваплы һәм истә калырлык була. Дүрт этап, йөзләрчә тамашачы, кырыс жюри һәм бөтен гомергә истә калырлык хатирәләр.

-Мин "Татар моңы"нда катнашырга күптән хыялландым, әмма беренче тапкырдан ук җиңә алырмын дип күз алдына да китермәдем, - дип тәэсирләре белән уртаклаша артистка. - Мондый фестивальдә Лаеш районын лаеклы тәкъдим итә алуым белән горурланам. Бу минем хыялым иде һәм аның тормышка ашуына шатмын.

Нурзидәнең вокал буенча педагогы, ТРның атказанган артисты Люция Хәсәнова кызга үз көченә ышанырга һәм абруйлы музыкаль фестивальдә җиңәргә булыша. Гала-концертта җырчы "Гөлләр үсә" халык җырын башкара, беренче дәрәҗә лауреат була һәм Татарстан мәдәният министрлыгы дипломын ала.

Артистка Казан федераль университетының филология һәм мәдәниятара коммуникация институтында укый. Нурзидәнең булачак һөнәре - татар һәм инглиз телләре педагогы.

-Миңа уку һәм студент тормышы бик ошый, - ди кыз. - Мин яңа дусларга, кызыклы танышуларга һәм ачышларга һәрчак шат. Һәр кешенең хыяллары чынга ашуын телим. Әмма моның өчен түзем булырга һәм тәнкыйтьне кабул итә белергә кирәк. Ярдәме өчен Лаеш районы башлыгы Михаил Афанасьевка рәхмәт белдерергә телим.

"Татар моңы" фестивалендә җиңү иҗат һәм тормыштагы уңыш планында Нурзидә алдында яңа офыклар ача.