җәмгыять
Клуб туган көнен билгеләп үтте
Хәзер бу мәдәният учреждениесе урнашкан яңа бина илле ел элек ишекләрен ачкан. Фотолар һәм видеорепортажларны "Кама ягы" газетасы сайтыннан карагыз. Шыгрым тулы залда буш урыннар юк иде. Кунаклар арасында - авыл мәдәният йортының беренче мөдире Вера Баннова, авыл җирлеге башлыгы Виталий Германов. 1979-1982 елларда клубны җитәкләгән Валентина Титанова (Баранцева) Әлмәттән...
Хәзер бу мәдәният учреждениесе урнашкан яңа бина илле ел элек ишекләрен ачкан.
Фотолар һәм видеорепортажларны "Кама ягы" газетасы сайтыннан карагыз.
Шыгрым тулы залда буш урыннар юк иде. Кунаклар арасында - авыл мәдәният йортының беренче мөдире Вера Баннова, авыл җирлеге башлыгы Виталий Германов. 1979-1982 елларда клубны җитәкләгән Валентина Титанова (Баранцева) Әлмәттән кайткан. "Камские зори" (Каипы) фольклор ансамбле коллегаларын котлады: алар чыгышын көчле алкышлар белән каршы алдылар.
Бәйрәмгә әзерләнгәндә аны оештыручылар бинаны төзегән кешеләрне эзләп тапканнар. Алар арасында Фирдәүсә Яруллина да бар. Ул клуб төзүчеләр бригадасы составында булган. Мондагы егет белән танышкан, аңа кияүгә чыккан, шулай итеп поселокта яшәп калган.
Эзләнүләр тагын бер уңай нәтиҗә биргән. Иске мәдәният йортында эшләгән китапханәчене - Любовь Вафинаны тапканнар.
Бу кичтә теге яки бу рәвешле мәдәният йорты белән бәйле кешеләр турында, шулай ук авыл кешеләре хәтерендә яхшы эз калдырган вакыйгалар турында да хатирәләр күп булды.
-Кышын чаналарда Смолдеярово, Урта Девятово, Александровкага концертлар белән йөрдек, - дип санап китә алып баручылар. - 20 елга якын мөдир вазифасында Вера Мусаева эшләде. Ул Раиса Силантьева белән бергә "Сударушки" фольклор ансамблен оештырды.
Фольклор коллективына 17 ел диярлек хәзерге клуб мөдире Рузалья Мәгъсүмова җитәкчелек итә. Ә Александр Алексеев инде 15 ел "Сударушка"га кушылып уйный.
Бүләкләр, грамоталар, чәчәкләр, чыгышлар - бу кичтә барысы да булды. Сәхнәдән яңгыраган һәр исем яхшы таныш иде. Чөнки авыл мәдәният йорты тарихы - ул авыл һәм анда яшәүче кешеләр тарихы.
Следите за самым важным и интересным в Telegram-каналеТатмедиа
Нет комментариев