Купец Шуранга килгән яки беренче кышкы автоузыш

1914 елда Казан земство управасы техник бүлек мөдире Дмитрий Арцибашев Казан-Шуран маршруты буенча кышкы автоузыш тәкъдим итә. Кыюлар арасында Казан шәһәр думасы әгъзалары, печән пресслау заводы директор-башкаручысы Николай Молотков "Кейс" маркалы автомобиле белән катнаша. Михаил Рам да узышта шундый машинада була. Купецлар Михаил Кусаков һәм Евгений Остерман «Форд»ларда чыгыш ясыйлар. Тагын бер купец - Николай Бойченко бер юлы йөртүчеләре белән ике машинада узыша. "Грунэ-Мохель" автомобилендә узышта катнашкан кешенең исеме сакланмаган. Арцибашев үзе хезмәт машинасы "Бенц"та зачеттан тыш уза.

Катнашучыларның һәркайсы приз фондына 10ар сум акча кертә. Урамда гыйнвар, салкын, ә ул чакта резина шиплы һәм мичләр булмый. Бар экипировка - җылы өс киемнәре һәм биттә бер сантиметр калынлыкта вазелин.

Йөз ел элек кайбер участокларда машиналар сәгатенә 70-80 км белән чабалар! Шуранга кадәр дүрт экипаж килеп җитә, алар 80 чакрымны 1 сәгать 44 минут - 1 сәгать 58 минутта үтәләр.

Казан Лаеш җирендә новатор шәһәр статусын раслый, ә Россиядә беренче кышкы узышта катнашучылар карлы юл буйларындагы саклык калканнарын лаеклы бәялиләр.