Безнең елгаларда балык булыр

1 февральдән 15 апрельгә кадәр балыклар өчен Мишә тамагы нәрсәсе белән яхшы соң?

-Бу чорда тамакның бер өлешендә уңай гидрологик режим барлыкка килә. Боз эри, елга үзәнендә агым көчәя. Эрегән урыннар һәм агып төшкән грунт сулары суны сафландыра, кислород белән баета, - дип җавап бирә Михаил Горшков. Шулай итеп Куйбышев сусаклагычында яшәгән барлык төр балыклар өчен яхшы шартлар барлыкка килә. Ә аларның төре күчеп килгән ташбашларны, ротаннар, энә сыман балыкларны да кертеп илледән артык.

Бу режим балыклар өчен азык булган вак организмнарны да җәлеп итәме?

-Әлбәттә. Әйтик, анда китерелгән һәм җайлашкан мизид-кыслалар. Карарны өйрәнүне дәвам итәбез:

"Руда булмаган материалларны эшкәртү тыела". Ягъни бу районда ПГС табарга ярамый?

-Әлбәттә. Ком һәм гравий - уылдык чәчү өчен кирәкле катнашмалар. Шуңа күрә бу тыю кертелә дә, - дип аңлата Михаил Александрович.

Хәзер Камада мәрсин балыклар бармы?

-Рәсми статистика - кырыс хакыйкать. 1982 елда Кама Тамагы балыкчылары ак балык тоталар. Чебоксар плотинасында 1996 елда ак балык каптырганнар. Болар теркәлгән фактлар. Мәрсиннәр турында ишетелми. Үзем дә тотмадым - безнең институт балык тоту коралларына да эләкмәде, - дип хыялларны тарата өлкән фәнни хезмәткәр һәм шунда ук өстәп куя:

-Узган елның декабрендә "Чөгәләр уылдык чәчү урыны" дигән заказник булдырылды - 1,7 га. Республиканың сигез районында урнаша, Лаеш та керә. Заказникта ун уылдык чәчү урыны белән эшлиләр, шуның берсе - "Мишә". Саклана торган территория яр зонасында заказникка якын җирдә махсус билгеләр белән билгеләнгән.

Бу материал азагында ХIX гасыр америка публицисты Роберт Ингерсолл сүзләрен китерәсе килә: Табигатьтә әҗерен бирү дә, җәзалар да юк, фәкать нәтиҗәләр генә.

Күчеп килгән балыклар - сулыкларга үзләре килеп эләккән яңа төрләр, очраклы килеп монда җайлашканнар