Җиңел котылган

Һәвәскәр балыкчы элек тә Мишәнең юка бозында язмышын сынап караган. Әмма сакланганны гына саклармын дигәндәй... Ныгымаган боз авырлыкка түзми һәм балыкчы бозлы суга төшә. Зыян күрүчегә беренчеләрдән булып үтеп баручылар ярдәмгә килә. Алар шалтыратуы буенча урынга коткаручылар, медиклар һәм полиция наряды килә. ГИМС үзәге участогы хезмәткәрләре сүзләре буенча, экстремал бу юлы җиңел котылган. Тик әлеге очрак аның өчен сабак булырмы - бу сорау риторик сораудыр, мөгаен.