Барлык сигез конкурсант җиңде

Фотоны Диана Хаботина бирде

Майда Мәскәүдә "Ты звезда" Халыкара күпжанрлы конкурсы узды. Лаеш шәһәренең Балалар сәнгать мәктәбеннән төрле номинацияләрдә һәм яшь категорияләрендә сигез укучы катнашты. Быел хәтта беренче сыйныф укучылары да дебют ясады. Компетентлы жюри яшь вокалчылар һәм музыкантларның чыгышларын лаеклы бәяләде - барлык конкурсантлар да лауреат булдылар.

«Инструменталь башкару – фортепиано» номинациясендә җиңүчеләр һәм беренче дәрәҗә лауреатлар булдылар: Камилла Агафонова - дебют (6-7 яшь), Софья Гордеева - инструменталь иҗат (7-9 яшь), Ева Глебова - фортепиано (7-9 яшь) һәм Милана Павлова – дебют, инструменталь иҗат (7-9 яшь). Шул ук номинациядә Алисә Германова икенче дәрәҗә лауреат булды - эстрада музыкасы (9-10 яшь).

"Вокаль иҗат" номинациясендә җиңүчеләр һәм беренче дәрәҗә лауреат булдылар:

Ангелина Грачева - халык вокалы (7-10 яшь) һәм Арина Салова - эстрада вокалы (13-15 яшь). «Смайлики» ансамбленең катнаш төркеме - эстрада вокалы, икенче дәрәҗә лауреат булды.

«Яблонь белый цвет» халыкара конкурсында катнашкан Катя Кукарина «Фортепиано» номинациясендә өченче дәрәҗә лауреат булды.

- Бу бик шәп нәтиҗә һәм авыр уку елы тәмамлануга менә дигән бүләк, - дип аңлатты үз укучыларының казанышларын балалар сәнгать мәктәбе музыка укытучысы Диана Хаботина. - Укучыларым белән горурланам! Чөнки укытучының дәвамы аның укучыларында.