Сихри балачак иленә сәяхәт

Автор фотосы

Балаларның төп бәйрәмен саф һавада Державин мәйданында үткәрергә булдылар, моңа һава торышы да уңай иде. Җәйге кояш, аяз күк йөзе һәм саф һава – бәйрәм өчен менә дигән шартлар.

Шуңа күрә балалар, аларның әниләре, әтиләре, әбиләре һәм бабайлары күп җыелды. Бер кешегә дә күңелсезләнергә вакыт булмады. Балалар өчен аттракционнар эшләде, тәм-томнар һәм уенчыклар тәкъдим ителде. Кешеләр җыелгач, тамашаны да башларга мөмкин булды.

Бу гади концерт булмады, ә зур интерактив программа иде, анда тамашачылар да актив катнашты. Әкият герое исемен әйтү һәм балалар да, өлкәннәр дә бүләккә кинога билет  ала алды, моңа иң зирәкләр ия булды.

Шулай да беренче чиратта барысы балалар күңелләрен ачу өчен эшләнде, алар мәктәп мәшәкатьләреннән азат, ял итә генә башладылар. Аларга күңелсез булмасын өчен яраткан әкиятләре геройлары Пеппи Длинный Чулок, Кызыл Калфак, Золушка һәм башкалар чыгыш ясады. Балалар – иң кечкенәләрдән яшүсмерләргә кадәр аниматорлар әйткән уеннарда актив катнаштылар. “Ура! Каникул” дип кычкырып алар бергәләп табышмакларга җаваплар таптылар һәм кочаклашып уйнадылар. Бәйрәм азагында барлык балалар шарлар алдылар.

Ә бәйрәмне алып баручы әти-әниләрне җәйге каникул җитү белән аерым котлады, балалар белән алар да дәресләр әзерләүдән ял итәләр.