Яшь китап укучылар сюжетлар белүдә ярышты

Державино авыл китапханәсендә 7-8 сыйныф укучылары өчен «Мин укырга яратам, ә сез ничек?» исемле маҗаралы уен уздырылды.

Уен «Укыганда тотылган» исемле конкурстан башланды. Катнашучыларга алдан ук китап укыган вакытта фотога төшәргә бирем бирелде. Бу конкурста барысы да җиңүче булдылар, чөнки һәр фоторәсем шундый үзенчәлекле иде! Аннан соң егетләр һәм кызлар «Укыгач дустыңа киңәш ит» исемле кечкенә әңгәмә-тәкъдимдә катнаштылар. Яңа китап кертемнәреннән күңелле итеп рәсмиләштергән энциклопедияләр рекомендацияләрнең лидеры булып чыкты. «Зирәк акыллы китап» дигән викторина уенның соңгы этабы булды. Укучылар балалар әсәрләре геройлары һәм сюжетлары турында сорауларга җавап бирделәр. Иң актив һәм зирәкләргә призлар - китаплар бүләк иттеләр.

Очрашу ахырында укучылар «Татарстан Республикасы яшүсмерләренең реаль һәм электрон мохиттә укуы» исемле анкета сорауларына җавап бирделәр.