Лаеш җирендә «Реал», «ПСЖ» һәм «МЮ» көрәште

Бу көннәрдә «Кама диңгезе» пляжында пляж футболы буенча иң көчле команда ачыкланды.

Ярышларга дүрт команда гариза бирде – барысы да танылган клубларның исемнәрен алган: «Рубин», «Реал Мадрид», «Манчестер Юнайтед» һәм «Пари Сен-Жермен». Һәр командага бишәр кыр уенчысы һәм капкачы керде. Командаларга һәр көндәшкә каршы җидешәр минутлык ике тайм уйнарга кирәк иде.

Уеннарны Лаеш районы Башкарма комитетының яшьләр эшләре, спорт һәм туризм бүлеге начальнигы Илназ Зарипов ачты. Ул уенчыларга гадел спорт көрәше һәм иң көчлеләргә җиңү теләде, шуннан соң уенчылар Лаеш пляжы комына чыкты.

Пляж футболында уен мәйданчыгының күләме кечерәк, бу исә һәр матчка кискенлек һәм динамика гына өстәде. Егетләр һәр уенда көндәшләрен җиңәргә һәм җиңүгә ирешергә теләп, кырда бөтен көчләрен бирделәр. Барлык һөҗүмнәр дә нәтиҗәле тәмамланмады, әмма һәр очракта да эмоцияләр аз булмады.

Мини-турнир нәтиҗәләре буенча иң көчлеләре «Реал» (Лаеш) футболчылары булды. Көмеш медаль - «Манчестер»да (Лаеш). Өченче урынны Сокуры “ПСЖ”сы алды. "Рубин" дүртенче урында.

Бүләкләү тантанасында Илназ Зарипов мондый турнирларның, командаларны күбрәк җәлеп итеп, киләчәктә дә уздырылачагын ышандырды.