Яшел Үзәндә “Вифлеем йолдызы утлары” балкыды

Фестивальне Лаеш һәм Яшел Үзән районнарының дини җырлар ансамбле "Благовест" ачты. Ансамбль башкарган тантаналы җыр-дога "Аллаһ безнең белән" дип аталды. Горький исемендәге мәдәният йорты актлар залы Татарстан шәһәрләре һәм районнарыннан, Чувашия һәм Марий Эл республикаларыннан чакырылган кунаклар белән шыгрым тулы иде. Казан, Чаллы, Түбән Кама, Лаеш, Яшел Үзән коллективларының осталыгы беркемне дә битараф калдырмады. Ике сәгать вакыт бер тында үтте. Лаешлыларның тамашачылар төркеме фестивальгә баруны оештыручыларга рәхмәтләрен белдерә.