Прокуратура аңлатма бирә

Әти-әниләрне җинаять җаваплылыгына тартырга мөмкиннәр

Балаларны яки карт әти-әниләреңне караган өчен акча түләмисеңме? Моның өчен җинаять җаваплылыгы каралган.

Россия Федерациясе Гаилә кодексы әти-әниләргә үзләренеңт балигъ булмаган, шулай ук эшкә сәләтсез балигъ балаларын карау бурычы йөкли. Әти-әниләр бу вазифадан балалары махсус учреждениелләргә урнаштырылып һәм тулы дәүләт тәэмин ителешендә булсалар да,хәтта әти-әни хокукыннан мәрхүм ителсәләр дә азат ителмиләр. РФ Гаилә кодексында эшкә сәләтле балаларның ярдәмгә мохтаҗ эшкә сәләтсез әти-әниләрен карау вазифасы да билгеләнгән. Әгәр әти-әнинең берсе дәлилле сәбәсе булмаган килеш суд карарын яки нотариаль тәртиптә алимент түләү турындагы килешүне үтәмәгәндә аны административ җаваплылыкка тартырга була. Әгәр әти-әнинең берсе алимент түләүдән баш тартуны дәвам итә икән һәм аларны түләмәгән өчен административ җаваплылыкка тартылса аны җинаять җаваплылыгына тартырга мөмкиннәр.

Белешмә өчен: Бу җинаять өчен бер елга кадәр төзәтү эшләре, яки шул ук срокка мәҗбүри эшләр, яки өч айга кадәр кулга алу, яки бер елга кадәр иректән мәхрүм итү рәвешендә җәза бирү каралган.