Кама ягы
  • Рус Тат
  • Полицейский эшенең плюслары һәм минуслары турында

    Полицейскийлар гражданнарны һәм аларның тормышын саклый, кайчакта үз гомерләрен куркыныч астына куеп.

    Антон Сергеевич, полицейский һөнәренең үзенчәлеге нәрсәдә?

    -Алар тәүлек буе урам һәм юлларга патрульлек итәләр, төрле социаль төркем вәкилләре белән аралашалар, барлык шикаятьләргә оператив җавап бирәләр, гомуми белем бирү учреждениеләрендә әңгәмәләр үткәрәләр. Полицейскийларның хезмәте - ул җинаятьчеләрне эзәрлекләү һәм хәтәрлекләр генә түгел, ә халык белән эшләү, территориаль оешмалар, хакимият вәкилләре белән хезмәттәшлек итү дә икәнен аңларга кирәк.

    Полиция хезмәткәре нинди шәхси сыйфатларга ия булырга тиеш?

    -Полицейский хакимият һәм көчкә ия, шуңа күрә ул үз хис-тойгыларын контрольдә тота белергә, ачык йөзле, зирәк һәм җаваплы булырга тиеш. Полицейскийлар көн саен бик яхшы булмаган кешеләр белән, хәвеф-хәтәр белән очраша. Шуңа күрә алар әдәпле, аралашучан, кыю булырга тиеш. Чыдамлылык, хезмәт сөючәнлек, намуслылык, үткенлек, альтруизм – бу сыйфатлардан башка полициягә барырга кирәкми.

    Полиция һөнәренең нинди уңай һәм тискәре яклары бар?

    -Минуслардан башлыйбыз, өстәвенә, алар инде яңгырады. Бу - көн саен куркыныч астында булу, асоциаль элементлар белән аралашу, кайвакыт эшнең монотонлы булуы. Полиция хезмәткәренең эш көне нормалаштырылмаган булуын аңларга кирәк. Чөнки форс-мажор булган очракта ул кичекмәстән вакыйга урынына килергә тиеш.

    Ә уңай яклары?

    Шуңа карамастан, бу абруйлы һөнәр, полиция хезмәткәре тулы социаль пакетка ия (түләүсез дәвалану, ташламалар, санитар-курорт дәвалавы). Тотрыклылык - мөһим фактор. Чөнки полицейскийлар дәүләт хезмәткәрләре булып тора. Карьера үсешен һәм билгеле бер еллар эшләгән өчен пенсиягә хокук алу мөмкинлеген дә билгеләп үтәргә кирәк (армиядә һәм Россиянең башка структураларында хезмәт итү кертелә торган 20 ел хезмәт, шулай ук югары һәм урта махсус белем бирү программалары буенча көндезге уку срогының яртысы). Пенсиягә чыккач, күп кенә хокук саклау органнары хезмәткәрләре башка өлкәләрдә эшләрен дәвам итә, хезмәт хакы һәм яхшы гына пенсия ала. Полициядә эшләгәндә бик күп файдалы танышларга ия буласың. Бушлай югары белем алу мөмкинлеге бар. Полиция хезмәткәрләренә торак шартларын яхшырту һәм сатып алу өчен бер тапкыр бирелә торган түләү, шулай ук торак урынын арендага алган өчен компенсация бирелә.

    Ә кем полицейский була ала?

    - 18 яшькә җиткән РФ гражданы полицейский була ала. Югары яшь бусагасы 40 яшь тәшкил итә. Вакансиягә дәгъва кылучы түбәндәге таләпләргә җавап бирергә тиеш: яхшы физик әзерлек; РФ Кораллы көчләрендә (ир-атлар өчен) хезмәт итү; тулы урта яки урта һөнәри яки югары белем; хөкем ителмәгәнлек, наркотикларга һәм алкогольгә бәйлелекләре, хроник авырулары булмау.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: