“Минем иң яхшы фоторәсемем” фотоконкурсына соңгы нәтиҗәләр ясалды, җиңүчеләргә призлар тапшырылды.

Нармонкада туган Илсөяр Гыйниятова беренче урынга чыкты. Аңа төп приз – Jaguar тегү машинасы тапшырылды. Гүзәл Абдулкадыйрова икенче булды, ул бүләкләүгә килә алмады. Аны Sakura электрогриле редакциядә көтә. Өченче урында Эльза Әскәрова. Ул яшелчәләр һәм җиләк-җимеш киптерү өчен ротор киптергеч алды.

Безнең конкурсларда Илсөяр беренче мәртәбә катнашты – һәм җиңде. Ә менә Эльза тәҗрибәле конкурсант.

-Миңа тавышлар өчен көрәш барышы ошый, - диде Эльза. – Бу узыш, адреналин. Һәр юлы катнашмыйм дим. Әмма белдерү күргәч тагын фотоларымны җибәрәм. Җиңү катлаулы, кыен.

Илсөярнең тарихы башка төрле.

-Беренче мәртәбә катнашып карарга булдым. Бик тә тегү машинасы аласым килгәнне белгән барлык туганнарым һәм төрле районнардагы дусларым кушылды. Шундый эш купты. Минем янга килеп: “Минем  туганнарым сине каян беләләр? Синең фото өчен тавыш бирүне сорыйлар” диючеләр дә булды. Хәтта таныш булмаган кешеләр дә үз туганнарын минем өчен тавыш бирергә өндәделәр. Ә бер кыз инициатива күрсәтте һәм дусларын, танышларын чакырды һәм тавыш биргәннәрен белдереп скриншотлар җибәрде. Менә шундый хәл. Конкурста катнашу мине цифрлы фотоаппарат сатып алуга этәрде. Ә монысын гади аппарат белән төшергән идем.

Газета редакциясе призерларны тагын бер тапкыр котлый һәм газета сайтында фотоконкурсларның даими үтүен искәртә. Кыйммәтле приз оту чынбарлык. Максатчан һәм активлар җиңәләр.

Конкурсны оештыручы - “Камская новь” газетасы редакциясе.

Конкурс иганәчесе – “Русан+” ЧҖҖ. Тел. 89172207557.

Реклама хокукында. 6+.