Бассейн юбилеена йөзү ярышы

Лаеш шәһәре оешмалары һәм авыл җирлекләре вәкилләре йөзү буенча турнирда катнаштылар. Барлык катнашучыларны берничә категориягә бүлделәр: 18-35 яшьтәге хатын-кызлар, 18-35 яшьлек ирләр, 36-45 яшьтәге ханымнар һәм 46 яшьтән олы ирләр.

Ярышларның баш хөкемдары Татьяна Солдаткина әйтүенчә, катнашучыларга сигналдан соң ирекле стиль белән 50 метр араны йөзәргә кирәк иде.  Вакыт спортчы бассейн бортына кулын тидергәч туктый.

Турнирда катнашучылар төрле вакыт һәм төрле дәрәҗә әзерлек күрсәттеләр, әмма оттыручылар булмады.Бу көнне өйдә утырмаган, көндәлек мәшәкатьләрдән арынып, яхшы кәеф алу өчен бассейнга килгәннәрнең барысы грамоталар һәм дипломнар алдылар.

Ярышлар тәмамлангач призерлар һәм җиңүчеләрнең исемнәре аталды. Команда исәбендә яшьләр эшләре, спорт һәм туризм бүлеге вәкилләре беренче урын алды, Олы Кабан авыл җирлеге – икенче, Лаеш райбашкарма комитеты өченче булды.