Лаеш районы Татарстанда «Урманны саклыйк» Бөтенроссия акциясе мәйданчыкларының берсе булачак

Автор фотосы.

Бу көнне бөтен ил буенча бер миллионнан артык гади нарат, Европа чыршысы, вак яфраклы юкә, Себер карагае, имән, гади миләш һәм каен үсентеләре утырту планлаштырыла.

«Урманны саклыйк» Бөтенроссия акциясе Татарстанда бишенче тапкыр оештырылачак, — дип сөйләде ТР Урман хуҗалыгы министры Равил Кузюров. — Акция барлыгы 170 мәйданчыкта узачак. Барыбызны да агач утыртуда катнашырга һәм туган республикабызның урман байлыкларын саклауга һәм арттыруга үз өлешебезне кертергә чакырабыз«.

ТР Урман хуҗалыгы министрлыгында хәбәр итүләренчә, акция 10:00 сәгатьтә Казан янындагы дүрт мәйданчыкта — Биектау районының Биектау һәм Семиозерка авыллары янында һәм Лаеш районының Матюшино һәм Пиголи авылларыннан ерак түгел узачак. Бияләйләр, көрәкләр һәм үсентеләр шунда ук биреләчәк.

Акция бишенче тапкыр узачак. «Урманны саклыйк» Бөтенроссия акциясенең рәсми порталында яки ТР Урман хуҗалыгы министрлыгы сайтында акция буенча мәгълүмат белән тулырак танышырга мөмкин.

Татарстанда 2022 елгы акция нәтиҗәләре буенча 20 мең кеше 595 гектар мәйданда ике миллион данә утырту материалы утыртты. 

«Урманны саклыйк» бөтенроссия акциясен РФ табигый ресурслар һәм экология министрлыгы, Урман хуҗалыгы федераль агентлыгы һәм «урман волонтерлары» Бөтенроссия иҗтимагый хәрәкәте оештыра. Акциянең төп максаты — быел урман янгыннарыннан зыян күргән төбәкләргә ярдәм итү өчен 70 миллион агач утырту. 

Акция «Экология» милли проекты кысаларында үткәрелә, ул илдә Россия Президенты Владимир Путин инициативасы һәм йөкләмәсе буенча гамәлгә ашырыла.