Лаеш районында җыелган әйберләр Анжела Вавилова исемендәге фондка тапшырылды

«Көзге яхшылык атнасы» Бөтенроссия акциясе — игелекле һәм файдалы нәрсә эшләргә, яхшылык төшенчәсенең әһәмиятен арттырырга тагын бер искиткеч мөмкинлек. Хәерби мәктәбе укучылары, әти-әниләре, хезмәткәрләре читтә калмады.

Акча Анжела Вавилова исемендәге хосписка ярдәм итү максатыннан җыелган, анда онкология авырулары булган балалар яши. Укучылар мәктәп җитәкчелеге белән бергә хосписка килеп, кирәкле әйберләр тапшырдылар.

Ә хоспис һәм хәйрия фонды җитәкчелеге мәктәпкә рәхмәт хаты тапшырды.

Фото: Хәерби мәктәбе.