Районның социаль хезмәткәрләре котлаулар кабул итте

Һөнәри бәйрәм РФ Президентының 2000 елның 27 октябрендәге Указы белән булдырыла. Бу көнне 320 ел элек - 1701 елның 8 июнендә – Петр I социаль яклауның дәүләт системасын булдыруга нигез салган Указ кабул итә.

Бу өлкәдә эшләргә һәркем сәләтле түгел. Социаль хезмәткәрнең мөһим сыйфатлары арасында – кайгыртучанлык һәм чит кешенең проблемаларын аңлый белү, тәрбияләнүчеләр һәм әйләнә-тирә дөнья, балалар һәм өлкәннәр, гаилә һәм җәмгыять арасында бәйләүче буын булу.

Район мәдәният йортында бәйрәм чарасын балалар сәнгать мәктәбенең « Все с начала » бию коллективы ачып җибәрде.

-Татарстанда 117 социаль учреждение эшли, анда 9 меңнән артык социаль хезмәткәр хезмәт куя. Алар көн саен аерым кайгыртуга мохтаҗ булган барлык кешеләргә: пенсионерларга, ветераннарга, күп балалы гаиләләргә һәм өйдә хезмәт күрсәтүгә мохтаҗ кешеләргә ярдәм итәләр, - районның социаль өлкәсе хезмәткәрләрен ТР хезмәт, мәшгульлек һәм социаль яклау министры Эльмира Зарипова котлады. Ул шулай ук Татарстан Республикасында һәм һәр районда социаль яклау хезмәтләрен булдыруның чишмә башында торган ветераннарга рәхмәт сүзләрен җиткерде.

Һәр бәйрәм – ул хөрмәтле кунаклар, котлаулар һәм теләкләр. Җыелганнарны һөнәри бәйрәмнәре белән сәхнәдән район башлыгы Илдус Зарипов һәм РФ Дәүләт Думасы депутаты, хезмәт, социаль сәясәт һәм ветераннар эшләре комитеты рәисе Ярослав Нилов вәкиле - Дмитрий Дементьев котлады.

- Бу өлкәдә иң изге күңелле, тәртипле, профессиональ һәм башкаларны яратучы кешеләр эшли. Безнең социаль хезмәткәрләр системасы киң, алар үз эшләрен бик яраталар һәм аңа намус белән карыйлар, бернигә дә карамастан, - дип билгеләп үтте Илдус Фатыйхович.

Дмитрий Викторович сүзләре буенча, һөнәр үзе турында ныклап белдергәнче озын юл үткән. Бары 1991 елда гына ул дәүләт һөнәрләр реестрына керә һәм хөрмәткә лаек була.

- Бүгенге көндә социаль өлкәдә 630 мең кеше эшли, алар 25 миллион кешегә хезмәт күрсәтә, шул исәптән 15 миллион инвалид һәм пенсионерларга. Барлык социаль хезмәткәрләр дә бер зур эш башкара, - дип ассызыклады Дмитрий Дементьев.

Халыкны социаль яклау системасында озак еллар намуслы хезмәтләре өчен бүләкләнүчеләргә республика, бөтенроссия һәм халыкара конкурсларның гран-при премияләре иясе, Игорь Крутойның «Добрая волна», Диана Гурцкаяның «Белая трость» фестивальләре финалисты Тимур Фазлыев үзенең музыкаль котлавын бүләк итте. Музыкаль сәламнәрне тамашачыларга бәйрәм программасын алып баручы, вокал укытучысы Альбина Латыйпова, район мәдәният йорты директоры Алмаз Якупов һәм Казан җырчысы Радик Шәрибҗанов тапшырдылар.

Район Башкарма комитетының социаль яклау бүлеге начальнигы Елена Сюнина барлык социаль хезмәткәрләргә хезмәтләре өчен рәхмәт белдерде.

- Сез һәрвакыт ярдәмгә мохтаҗ кешеләргә ярдәмгә киләсез, ә эш һәм аралашу процессында еш кына үз карамагыгыздагыларның якын кешеләренә әвереләсез.

Социаль яклау ветераннарын аеруча җылы котладылар, яшь белгечләрне билгеләп үттеләр. Хезмәткәрләрнең төрле конкурсларда җиңүләренә игътибар юнәлттеләр һәм районның социаль өлкәсе хезмәткәрләренең күп балалы гаиләләре турында да онытмадылар.

Бәйрәм чарасы позитив булды һәм иң яхшы тәэсирләр калдырды.