Лаешлылар беренче майны каршы алалар

Һава торышы бәйрәмне саф һавада уздыру өчен бик яхшы булды. Аяз күк, якты кояш һәм 30 градуска якын җылылык – нәкъ җәй ае диярсең.

Шуңа күрә Экстрим-паркта кешеләр дә күп иде. Хәтта Мәскәүдән дә «Серфинг Москва» төркеменнән скейтерлар үз көчләрен җирле трассада сынап карарга килгәннәр.

Балалар өчен батутлар һәм башка күңел ачулар, шул исәптән «Күңелле стартлар» эшләде.

Ә паркның төп мәйданчыгында А. Денежкин исемендәге балалар Шәфкать ордены «Берегиня» ансамбле белән берлектә зур концерт оештырды, анда бик яшь артистлар да, җирле тамашачыларны күп еллар дәвамында үз талантлары белән сөендерүчеләр дә катнашты.

Шәһәр халкы Лаеш ягында яшәүче халыклар мәдәнияте белән танышты.

Мәсәлән, Полина Федотова чуаш биюен күрсәтте.

Вәсимә Хәкимова һәм Вәсимә Хөсәенова татар телендә җырлар башкардылар.

Мария Дормидонтова күңелле итеп кашыкларда уйнады.

Людмила Ширко Светлана Фоминаның шигырьләрен тирән эчтәлекле укыды.

Татар биюен «Рябинушка» ансамбле күрсәтте.

Әнвәр Зәйниев Антон Чеховның «Ванька» хикәясен укыды.

Чегән биюен тиңдәшсез Надежда Шастина башкарды.

Тамашачыларны үз җырлары белән «С песней по жизни» ансамбле сөендерде.

Бәйрәмне алып баручы Марина Шастина Яз һәм хезмәт көненә багышланган викторина оештырды. Дөрес җаваплар өчен бүләкләрне балалар гына түгел, аларның әти-әниләре дә алды.

Бәйрәм балалар өчен флеш-моб белән тәмамланды.