ЯКТАШЫБЫЗГА ТИҢНӘР БУЛМАДЫ

Олимпиада барышында ул биремнәрне башкалардан яхшырак үтәде, төгәлрәге Интернет-ресурслардан файдаланып Җиңү көненә виртуаль открытка ясауда осталыгын күрсәтте, дустына Казан турында сөйләнгән хат язды, бер атнага чыгымнарны исәпләп таблица төзеде, шулай ук ТР дәүләт хезмәтләре порталына үтенеч ясады һәм бу сайтта аның турында үз фикерен калдырды. Җиңүчегә ноутбук бүләк иттеләр. Финалда җиңү өчен 106 кеше көч сынашты. Сайлап алу турларында "Интернет-озын гомер", "Өченче яшь университеты" проектлары буенча, шулай ук предприятиеләр һәм оешмалар акчасына компьютер үзләштергән хезмәт ветераннары- республиканың 15 меңгә якын кешесе катнашкан. Республика олимпиадасында Кәүсәрия Гаянова белән район данын Габишевода яшәүче 67 яшьлек Лариса Варфоломеева да яклады.