Басуларны химик эшкәртү: кортлар үлемен ничек кисәтергә

Бал кортларына зыян китермәс һәм умартачылык продукциясен химикатлар белән агуламас өчен, Татарстанда кисәтү чаралары кертелә.

Авыл хуҗалыгы һәм урман үсемлекләрен эшкәртү өчен пестицидлар яки агрохимикатлар кулланучы гражданнар һәм юридик затлар мондый эшкәртү башланганчы өч тәүлектән дә соңга калмыйча халыкны, ветеринария хезмәтен, эшкәртү урыныннан җиде чакрым радиуста урнашкан умарталыклары булган гражданнарны һәм юридик затларны кисәтергә тиеш.

Мөрәҗәгатьләр язма рәвештә яки массакүләм мәгълүмат чаралары аша җиткерелергә тиеш.

Төгәл вакытны, территорияне һәм эшкәртелүче культураларны, препаратларның атамасын һәм аны куллану ысулларын күрсәтергә кирәк. Шулай ук умарталарны эшкәртү урыныннан алып торып, кортларны ояларда изоляцияләү кирәк булган вакытны да күрсәтү зарур.

Фото - https://pixabay.com/ru/