Илдус Зарипов социаль хезмәткәрләр көне белән котлый

Әлбәттә, бу кешеләр зур йөрәкле һәм игелекле җанлы кешеләр. Көн саен алар мөһим җәмәгать миссиясен үтиләр — авыр тормыш хәленә эләккән кешеләргә ярдәм күрсәтәләр: инвалидларга, пенсионерларга, күп балалы гаиләләргә.

"Кадерле социаль өлкә хезмәткәрләре! Сезнең ярдәмдә күп кешеләр үз-үзләренә ышаныч, тормышта мәгънә табалар, тулы тормыш алып барырга мөмкинлек алалар. Иң мөһиме — сезне хөрмәт итәләр, кадерлиләр, яраталар, һәм сезнең белән көн саен аралашучы кешеләрнең рәхмәте —сезнең эшегездә иң зур бүләк, — дип котлады Лаеш районы Башлыгы Илдус Зарипов, — сезгә сәламәтлек, уңышлар, бәхет, гаиләләрдә татулык һәм һәрнәрсәдә иминлек телим.

Чыганак: Лаеш районы матбугат хезмәте