Инглиз алфавиты бәйрәме

Инглиз телен теләп өйрәнәбез!

-Уеннар һәм проектлар технологиясен кулланып дәрес-бәйрәм чараларын уздыру укучыларда чит ил телләрен өйрәнүдә кызыксынуны арттыруда иң нәтиҗәле алымнарның берсе булып тора, - дип билгеләп үтте Ташкирмән мәктәбенең инглиз теле укытучысы Светлана Сержанова.

"Инглиз алфавиты" дигән нәкъ шундый бәйрәм 2 сыйныф укучылары өчен оештырылды. Балалар шигырьләр, җырлар һәм башка күнегүләр ярдәмендә үзләренең инглиз телен белү осталыкларын күрсәтте.

Алар ике командага - "Pigs" һәм "Pupils"ка бүленеп ярышты. Нәтиҗәдә 78 : 61 белән "Pupils" җиңде.