Киямовлар гаиләсендә зөбәрҗәт туй

Наил Салих улы Хафизә Хави кызы белән балачактан таныш була һәм мәктәптәдә бер парта артында утыралар. Ул вакытта алар Әлки районында яшиләр. Наил Киямов армиядән кайтуга туй ясыйлар.

Хәзер инде юбилярлар 40 ел Каипы авылында яшиләр. Аларның зур байлыгы – алты онык һәм ике оныкчык. Киямовлар гаиләсе аларга үз яратуын, кайгыртучанлыгын бирә, акыллы киңәшләр белән бәлаләрдән саклый һәм авыр чакларда ярдәм итә.

Наил Салих улы белән Хафизә Хави кызының балалары – аларның өметләре, горурлык һәм гаилә мираслары. Әти-әниләрен зөбәрҗәт туйлары белән котларга  барысы Лаеш никахлашу сараенда җыелдылар.

Киямовлар гаиләсе ничек итеп ир белән хатын булганнарын искә алыр өчен тантаналы залга Мендельcон туй маршы астында керделәр. Котлау сүзләрен Лаеш районы ЗАГС бүлеге җитәкчесе Мария Бурцева укыды. Бер-берсен яратучы Наил Салих улы һәм Хафизә Хави Кызы янә почет китабында кул куйдылар. "Кәләшнең" 1968 елның 17 гыйнварындагы туй көне кебек куллары калтырады.

• Картаймыйча , авырмыйча, очкыныгыз сүнмәсен. Һәм йөз еллык юбилей сезнең тормыш нәтиҗәсе булсын! – дип котлавын тәмамлады Мария Бурцева.

Автор фотосы