Көзге пейзаж өчен лазерлы принтер

Көзнең соңгы айларында район газетасы сайтында "Осенняя пора - очей очарованье" дип исемләнгән фотоэшләр күргәзмәсе үткәрелде. 31 фоторәсем килде.

Людмила Никифорова фотосы

Катнашучыларның бик тә матур көзге фотолары өчен туганнары, дуслары һәм дусларының танышлары бердәм тавыш бирде. Чын көрәш финалда, алда барган өч кешенең тавышларын күпкә арттыру сәбәпле төшеп калгач, башланды.

Йомгаклар буенча Диләрә Фаткулованың томан каплаган Лаеш үзәге фотосы өченче урынга чыкты һәм ул санлы телевизор алгычына (бушлай каналлар өчен ТВ приставка) ия булды.

Дания Гайнуллинаның чуар урманны сурәтләгән эше икенче урын алды, аңа тузан суырткыч тапшырылды. Ә Йолдыз Харисованың көзге коллажы җиңүче дип табылды. Финалга чыккан Йолдыз төп приз - лазерлы принтер отты.

Моннан тыш, бәйгенең иганәчесе - "РуСтом" ЧҖҖ стоматология клиникасы 4, 5 һәм 6нчы урыннар алган финалга чыгучыларга өстәмә призлар бирде.

Матвей Нургалиев 3000 сумга сертификат, Гөлназ Габрәкыйпова 1500 сумга һәм Айгөл Хәсбиева 1000 сумга сертификат алдылар.

"Камская новь" - "Кама ягы" сайтындагы мәгълүматларны күзәтегез http://iaishevskyi.ru - тиздән "Яңа ел кәефе" дигән фотоконкурс старт ала. Фотоларыгызны җибәрегез һәм лаеклы призлар отыгыз! Бәлки сез киләсе җиңүчедер!