Лаеш аграрийлары үз продукцияләрен «Бакчачы көне-2023» тә тәкъдим иттеләр

Безнең республикада бакчачылар көнен бәйрәм итүне әле күптән түгел — 2018 елдан башладылар.

Әмма Татарстан җитәкчелеге ярдәме белән бу елларда бакчачылык ширкәтләрендә су белән тәэмин итү, чүп-чар чыгару, керү юллары белән бәйле проблемалар хәл ителә.

Ә төбәкнең иң яхшы һәм уңышлы бакчачылары үз продукциясен республика башкаласында тәкъдим итә.

Чара Татарстан Республикасында бакчачылыкны популярлаштыру максатыннан үткәрелә.

Фестиваль бакчачының уңай образын формалаштыруга юнәлдерелгән, ул актив, тырыш кеше, сәламәт яшәү рәвеше алып баручы буларак позицияләнә.

Лаеш районы — бакчачылар бәйрәмендә ел саен катнаша.
Экспозициядә бал белән чәй, виноград, шулай ук консерваланган яшелчәләр һәм компотлар яки 2023 елгы яңа уңыш сатып алырга мөмкин иде. 

Лаеш экспозициясенең «Иң күренеклесе» район гербы булды, ул чәчәкләрдән һәм яфраклардан ясалган иде, алар бергә көнбагыш чәчәге формасын тәшкил итте.

Ярминкә кунаклары арасында Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Татарстан Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе урынбасары Таһир Һадиев һәм Татарстан бакчачылар берлеге идарәсе рәисе Владимир Дейнекин бар иде.

Аларны Лаеш районы Башлыгы Илдус Зарипов һәм гармун астында халык җырларын башкаручы артистлар командасы каршы алды.

Бакчачы көне-2023 не Кәрим Тинчурин исемендәге Татар дәүләт драма һәм комедия театрының Камера оркестры чыгышы ачты.

Ачылу тантанасында Марат Җәббаров бакчачылык үсеше өчен күп эшләр башкарган бакчачылык ширкәтләре һәм муниципалитетлар вәкилләрен бүләкләде.

Бүләкләнүчеләр арасында Лаеш районы вәкиле — «Титан» СНТ рәисе Вера Калмыкова да бар иде.

Күргәзмә көне буе эшләде. Казан халкы һәм кунаклары экологик чиста продуктлар сатып алудан тыш, мастер-классларда да катнашып һәм агропаркның төп сәхнәсендә артистларның чыгышларын тыңлый алды.