Лаеш районы вәкилләре азан укучылар конкурсында чыгыш ясады
Корбан бәйрәме алдыннан «Татар азаны. Егетләр» республика конкурсы нәтиҗәләре билгеле булды.
Конкурста Лаеш районы вәкилләре дә катнашты. Конкурсны «Рухи моң» иҗат берләшмәсе һәм Татарстан мөфтияте үткәрде. Конкурста «Татар азаны» мәктәбен тәмамлаган 60 бала катнашты. Укытучылар тавышны кую һәм азан сүзләрен дөрес әйтү буенча онлайн-дәресләр үткәрделәр (гомуми догага чакыру).
Азанны моңлы башкаручылар, гарәп сүзләрен дөрес әйтү белән аерылган балалар бүләкләр алдылар. Конкурста катнашучы сертификатларын Мөхәммәт Гайнетдинов (14 яшь), Сөләймән Гайнетдинов (10 яшь) һәм Дауд Гайнетдинов (9 яшь) алды. Билал Гайнетдинов (13 яшь), Әнвәр Якупов (9 яшь), Сабир Якупов (6 яшь) конкурс финалисты сертификатына лаек булдылар. Барлык балалар да Усады «Ихлас» мәчетендә шөгыльләнәләр.
Фото: Лаеш мөхтәсибәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев