Лаеш районы халкы Күл көнен бердәм билгеләп үтте

Архиерей күле — Татарстанның иң зур табигый сулыклары. Озынлыгы 2150 метр һәм киңлеге 500 метрга якын булган сулыкның тирәнлеге 18 метрга кадәр җитә. Ул үзенең чиста һәм үтә күренмәле суы белән дан тота. Бу сулык төбәк әһәмиятендәге табигать һәйкәле һәм дәүләт тарафыннан саклана.

Архиерей ярларында урнашкан Тарлаши авылында инициативалы, битараф булмаган кешеләр яши. Алар авыл тормышында актив катнашалар: Кач ману (крещение) вакытында бозда чокырлар әзерлиләр, Бөек Ватан сугышында катнашучы авылдашларына багышланган һәйкәл тирәләрен җыештырып торалар, күлне төзекләндерүдә ярдәм итәләр. Бәйрәмне дә барысы бергә — бер зур гаилә белән әзерләгәннәр.

Күл буена беренче булып Патша килде, аның өчен балалар шигырьләр һәм җырлар әзерләгәннәр. Уеннарда катнашырга чакырган әкият персонажының килүенә балалар шатландылар. Алар «Кояш», «Һава», «Су», «Иң яхшылар», «Дуслар» командаларына бүленеп, зур тылсымлы сәяхәткә чыктылар. Аларга «чаңгыга» алтышар кеше басып берничә адым ясарга кирәк була, ә бу җиңел эш түгел. Шарларны "луза"га (тукыма тишеге) кертер өчен, командада эшләү осталыгы кирәк иде. Иң күңелле биремне — күл буендагы флешмобны — бөтен балалар да җиңел үтәде.

Олыларга да күл бәйрәмендә күңелле иде. Биредә күл һәм әкият геройлары сурәтләнгән төсле фотозона, бераз читтәрәк шул ук тематикага балалар рәсемнәре тәкъдим ителгән иде. Хәерби мәктәбе укытучысы Рөстәм Хәсәнов үз укучылары белән бергә агачтан эшләнгән корабль макетларын тәкъдим итте. Судан берничә метр ераклыкта, төп сәхнә урнашкан. Анда Никольский, Орел, Габишево, Рождествено, Хәерби һәм башка авыллардан артистлар чыгыш ясады. Алар күпләрнең яраткан җырларын җырладылар, биеделәр, гармун уйнадылар һәм тамашачыларны үзләренең кечкенә ватан традицияләре белән таныштырдылар.

Көтмәгәндә сәхнәгә явыз Элодея канадская чыга. Бу Төньяк Америкадан китерелгән һәм бөтен Россия буенча таралган чүп үләне. Су пычрак булган саен, элодея күбрәк тарала. Ләкин авыл халкы сулык турында бик кайгыртуларын — аның ярларын чистартуларын һәм балык маймычларын суга җибәрүләре турында әйттеләр. Бу чүп үләнен таратырга һәм Архиерей күлен яулап алырга мөмкинлек бирмәячәк.
Явызны җиңгәннән соң, балалар шатлыклы тавышлар астында көймәдә килгән Аккош патшабикәне азат иттеләр. Патша белән бергә алар бәйрәмне оештыруда ярдәм иткән иң инициативалы һәм актив җирле халыкны бүләкләделәр. Аннары музыкага алар бергә әйлән-бәйлән йөрделәр.
Һәм менә саубуллашуның да бераз моңсу мизгеле килеп җитте. Киткәндә, патша һәм патшабикә, үз күлләрен шулкадәр яраткан авыл халкы өчен тагын бер кат шатланырга, киләсе елга яңадан кайтырга вәгъдә иттеләр.