Лаеш районы укучылары хәзинә тапты

Лаеш районы Ташкирмән гомумбелем мәктәбенең биш-җиде сыйныф укучылары "Хәзинә эзләүдә" дигән уенда актив катнашалар.

"Englishmen" һәм "Englishwomen" исмеле ике командага бүленеп, алар тырышып ярыштылар. Укучылар лексика, грамматика һәм илләрне өйрәнү материалларын бик канәгатьләнеп кабатладылар.

Укытучылары дәрестән тыш чарада башка илләр мәдәниятына хөрмәт белән карарга өйрәтте, укучыларның сөйләү телен камилләштерергә булышты. Бу чарада катнашып, аларда инглиз теле белән кызыксыну артты.

Чара уздырганда дөрес алымнар куллану балаларның үзенчәлекләренә һәм кызыксыну дәрәҗәләренә туры килде. Уен йомгаклары буенча ике команда да тигез балл җыйды - дуслык җиңде.

-Мондый чаралар инглиз телен өйрәнүгә кызыксыну уята, аларның дөньяви карашларын киңәйтә, командада эшләргә өйрәтә, - дип сөйли инглиз теле укытучысы Светлана Сержанова. - Актив катнашулары өчен укучыларга рәхмәт.