Лаешта яшәүче Әминә Шәрипова 100 яшьлек юбилеен билгеләп үтте
Лаешта Җиңү юбилеена алты медаль һәм ТАССР төзелүнең 100 еллыгына медаль белән бүләкләнгән тыл хезмәтчәнен юбилее белән котладылар.
Бәйрәмгә чәчәкләр һәм бүләкләр белән Лаеш районы башлыгы урынбасары Татьяна Борһанова, Лаеш шәһәре башкарма комитеты җитәкчесе Виктор Арефьев, шәһәр Ветераннар советы рәисе Анна Скрипачева һәм башкалар килде.
Татьяна Петровна Россия Президенты Владимир Путинның, Татарстан Республикасы Рәисе Рөстәм Миңнехановның һәм Лаеш районы башлыгы Илдус Зариповның юбилей котлауларын укыды.
Әминә Шәрәпова 1925 елның 25 июлендә Әлки районының Яңа Чаллы авылында туа. Сугышның беренче көннәреннән үк яшүсмер чагында колхозда эшли: җир сөрә, утын әзерли, печән чаба, башак җыя, шулай ук йөк ташый.
1940 елдан 1952 елга кадәр Калинин исемендәге колхозда-ындыр табагында, такта яру заводында һәм басуларда эшли, тракторчыларга булыша. Аннары үзе дә тракторда эшли, хәтта бригадир итеп тә билгеләнә.
Сугыштан соң «Марс» һәм «Коммунизмга юл» колхозларында төрле эшләрдә эшләвен дәвам итә, ә 1977 елда Лаеш районына күчеп килә, анда 18 ел Александровка авылы кибетендә төргәкче була.
1948 елда Әминә Гата кызы колхоз рәисе Габбас Сәлахетдин улына кияүгә чыга. Аның ире 2010 елда вафат була.
Ире белән бергә биш бала тәрбиялиләр. Бүген Әминә Шәрәпова тугыз оныкның һәм 15 оныкчыкның бәхетле әбисе.
Кунаклар һәм тату гаилә зур гаилә бәйрәменә җыелды. 100 еллыгы белән котлыйбыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев