Макаровка авыл җирлегендә актив кешеләрне бүләкләделәр.

Авыл мәдәният йорты фойесендә кул эшләре осталары әйберләре, шулай ук Макаровка авыл җирлеге эшмәкәрләре продуктлары һәм товарлары күргәзмәсе оештырылган. Лаеш районы башкарма комитеты җитәкчесе Анатолий Новиковны һәм район башлыгы урынбасары Татьяна Борһанованы Макаровка авыл җирлеге башлыгы Виктор Кормачев каршы алды. Зур булмаган концерттан соң ул узган елда башкарылган эшләр турында хисап тотты.

Макаровка һәм Ташкирмәндә яшәүчеләрнең яшәеш шартларын яхшырту өчен торган саен күбрәк эшләнә. Почта бүлегендә, ФАП, җирлек башкарма комитетында Интернетка тоташу сыйфатын яхшырту өчен җепселле-оптик элемтә сузылган. Ташкирмәндә өстәмә элемтә вышкасы урнаштырылган.

Республика программасы акчаларына Ташкирмәндә 97 энергия саклаучы  диодлы яктырткыч куелган. Үзара салым акчаларына Ташкирмәннең Верхняя урамыннан Мир урамына кадәр тыкрыкка вак таш җәелгән, Макаровкада Совет урамы юлы өлешчә ремонтланган.

Узган елда мәктәптә капиталь ремонт башланган. Тәрәзәләр һәм ишекләр алыштырылган, идән алыштырылган һәм линолеум җәелгән, тарттырып куела торган түшәм эшләнгән, электрүткәргеч линияләр һәм яктырткычлар яңартылган. Башлангыч мәктәптә яңа керү урыннары төзелгән, яңа түбә ябылган, җылыту системасы алыштырылган, яңа санузел һәм канализация җиһазланган. Азык-төлек блогы капиталь ремонтланган, плитә өстендәге суыру зонты, юу раковиналары, өстәлләр алыштырылган.

Район бюджетыннан өстәмә финанслау барлык биналар стеналарын бизәү, мәктәп  мебелен тулысынча алыштыру, төп мәктәптә тамбурны ремонтлау һәм башлангыч мәктәп бинасы нигезе буйлап отмостка ясау мөмкинлеге биргән. Перспективада – мәктәп биналары фасадларын ремонтлау һәм мәктәп территориясен төзекләндерү.

Яңартылган мәктәп перспективада үсеш ул, чөнки Ташкирмән мәктәбе укытучылары һәм укучылары ел саен аз комплектлы авыл уку йортларының яшь буынга белем һәм тәрбия бирүдә яхшы нәтиҗәләргә ирешүләрен раслый.

Агымдагы елга бурычлар арасында – балалар бакчасы һәм спорт залы төзү, җылы чишенү урыны булган хоккей тартмасы алу һәм урнаштыру да бар.

Җирлектә яшәүчеләрне үзәкләштерелгән суүткәргечтән су белән тәэмин итү борчый, аларның торбаларының тузу проценты зур, ә бу аварияләргә китерә. Алар кар чистарту, җирлек территориясеннән күп балалы гаиләләргә җир участоклары бүлү, су тотуга һәм калдыкларны түгүгә дача хуҗалары белән килешү төзү белән кызыксындылар, бу хезмәтләрдән алар да файдалана бит.

Гадәт буенча гражданнар җыены җирлекнең актив кешеләрен, шул исәптән “Эхо веков в истории семьи – Без тарихта эзлебез” шәҗәрәләр район фестивалендә җиңү яулаган Киселевлар-Кормачевлар гаилә династияләре вәкилләрен котлау белән тәмамланды.