Минем караш

Лаеш төзекләндерелә, күзгә күренеп яхшыра. Ә шәһәрдә яшәүчеләр район үзәгендәге чисталык һәм тәртипне саклыйлармы? Бу хакта ТОС җитәкчесе Вера Баннова үз фикерен белдерде.

Район һәм шәһәр хакимияте Лаеш заманча шәһәр йөзе алсын өчен барын эшли. Әмма күп нәрсә бездән, яшәүчеләрдән тора. Өй яны территориясе ялт итеп торган шәхси йортлар бар. Кагыйдә буларак, бу шәхси секторда. Ә менә күп квартирлы йортларда еш кына киресен күрәбез. Алар янында чүп-чар, биек булып үскән үлән, кыйшайган коймалар. Күп квартирлы йортлада яшәүчеләр кемдер килеп тәртип урнаштырганны көтәләр. Элегрәк без йорт янын җыештыру белән бергә шугалакларны да үзебез катыра идек. Беркемнән, бернәрсә сорамадык. Инициатива күрсәтергә һәм хуҗа булырга кирәк. Чөнки алар безнең йортлар, без аларда яшибез.