“Могҗизалар кырында” бер кеше дә бүләксез калмады

Лаеш район мәдәният йортының алсу залында яшьләре буенча өч кешедән торган өчлек җиңүче исемен алу өчен көрәште. Аларның барысы – кызлар һәм әниләр – барабанны әйләндерделәр һәм сорауларга җавап бирергә тырыштылар. Уенны искиткеч дүрт кыз әтисе Зөфәр Габдуллин алып барды.

Бәйрәмдә “Берегиня” фольклор ансамбле чыгыш ясады, быел ул оешуга 25 ел була. Бу коллективта күп балалы гаиләләр, тәрбиягә бала алган гаиләләр балалары, инвалид балалар үсте. Бүген дә ул үз гадәтләренә тугры калып халык җырларын башкара.

-Ансамбль составында безнең балалар да чыгыш ясады. Халык стилендәге костюмнар кигән ансамбльдә катнашучылар бәйрәмгә аеруча ямь өстәделәр, - дип үз фикерләре белән уртаклашты клубка йөрүче Римма Вәлиева.

Бәйрәмгә быел 75 яшь тулуны билгеләп үткән Елена Николаевна Карандинаның чигеп ясалган картаналары күргәзмәсе оештырылган. Балалар һәм әти-әниләрнең кәефләре күтәренкне, чара иганәчеләре биргән бүләкләрне карадылар, үзара аралаштылар, сөенделәр.

-Аеруча Алсу Әхмәтҗанованың балалары белән һәм Мария Дормидонтова чыгышларын мактап китәсе килә. Алар һәрчак безнең чараларда теләп катнашалар, - дип өстәде Римма Рифкатовна.

Гадәт буенча очрашу бергәләп чәй эчү белән тәмамланды.