Надежда Банниценага 95 яшь

Район газетасы язмышларына сугыш елларында һәм сәяси тотрыклылык булмаган чорда үсү һәм олыгаю туры килгәннәр хакында күп яза. Алар белән аларның үсмер, яшьлек һәм хезмәт еллеарын искә алганда без алар белән бергә булабыз, аларның уңышларына сөенәбез, сугыш елларына туры килгән гади булмаган бала чаклары белән уртаклашканда борчылабыз.

Кечкенә Надя 1926 елның 22 октябрендә Лаеш районының Полянка авылында гади крестьян гаиләсендә дөньяга килә. Кызның үз планнары һәм максаты була, әмма сугыш “аңа кадәр”гә һәм “аннан соң”га бүлә. Кайгысыз һәм яшьлек еллары үткәндә кала, җитмәүчелек, кимсенүләр һәм киләчәккә өметләр югалган вакыт җитә. Надежда барлык кыенлыклар артта каласына ышана һәм яхшы тормышка өметләнә.

Бөек Ватан сугышы елларында 14 яшьлек Надя “Красное поле” колхозында өлкәннәрдән калышмый эшли. Сугыш беткәч ул хезмәт эшчәнлеген Лаеш районы икмәк пешерү урынында экспедитор вазифасында башлаган.

1961 елның 18 ноябрендә ул Валентин Евгеньевич Банниценга кияүгә чыга. Алар ике бала – ул һәм кыз тәрбияләп үстерәләр. Ирле-хатынлы Банниценнар 52 ел никахта торалар. Надежда Банницена Лаеш районы башкарма комитетында, 19 ел начар күрүче һәм сукыр балалар интернат мәктәбендә эшли, шуннан лаеклы ялга китә. Аның хезмәт эшчәнлеге стажы 35 ел. Бүген, күп еллар элек булганча, юбиляр Надежда Михайловна Лаеш шәһәрендә яши. Үз балалары, оныклары кайгыртуын тоеп ялгызы яши. Хезмәттәге уңышлары өчен күп санлы мактау грамоталарына, юбилей медальләренә, “Хезмәт ветераны” исеменә лаек булган.