Нармонка җирлегендә халык яшәешен күтәрүгә курс алганнар

Нармонка авыл мәдәният йорты җирле халыкны һәм кунакларны кабул итте. Фойеда кешеләр Астраханкада яшәүче Ольга Сәлимуллина  коллекциясеннән бәйләнгән әйберләрне кызыксынып карадылар. Янәшәдә Нармонка урта мәктәбе укучылары һәм укытучылары эшләре һәм картиналары урын алган.

Авыл халкы Диана Трусенева экофермасы сырлары һәм башка сөт товарлары белән танышты. Кошлар үрчетү белән шөгыльләнүче крестьян-фермер хуҗалыгы башлыгы Тимур Васильев стенды партнерлары игътибарын да җәлеп итте. Отчет сессиягә килүчеләр рәхәтләнеп югары уңыш бирә торган кәбестә күчәннәрен карадылар, төсләре ачык яшелдән шәмәхәгә кадәр, эре бәрәңгеләр, зур кишерләр – “Нармонка” агрофирмасы” ЧҖҖ продукциясе.

Җирлеккә Нармонка, Карадули, Караишево, Тетеево, Астраханка һәм Татар Кабаны авыллары керә. 2019 елның гыйнварына җирлектә халык саны 2512 кеше тәшкил итә, 2018 елның 1 гыйнвары белән чагыштырганда 35кә артык. Җирлек территориясендә биш фельдшерлык-акушерлык пункты, ике китапханә, мәктәп, балалар бакчасы, мәчет, өч кәшәнә, 13 сәүдә объекты, шулай ук 18 бакчачылык ширкәте һәм Тетеевога керүче ике коттедж поселогы бар. Җирлек территориясендә дүрт КФХ һәм ике миниферма эшли. Биш шәхси ярдәмче хуҗалык та уңышлы үсә.

Отчет елда үзара салым акчаларына Солнечная урамы тигезләнгән һәм таш җәелгән, авылга керү юлына асфальт салынган һәм Караишево зиратына бару юлы өлешчә ремонтланган.

Соңгы өч ел дәвамында үзара салым акчалары җирлекне төзекләндерүгә тотылган, шул исәптән зиратларга зур игътибар бирелгән. Астраханкада зиратка капка куелган һәм юл ремонтланган. Карадулида материаллар алынган, койма тотылган һәм капка урнаштырылган, шулай ук аның мәйданы зурайтылган. Татар Кабаны авылында зиратны тотып алу өчен профнастил алганнар, юл ремонтланган. Тетеево һәм Карадули зиратларына да капка куелган. Нармонкада урам киртәсе урнаштырылган, шулай ук Яшьләр урамындагы 7-8 йортлар янында юл ремонтланган һәм асфальтланган.

Фермерлар Диана Трусенева, Тимур Васильев, “Нармонка” агрофирмасы әйдәүче икътисадчысы Рамил Җамалетдинов киләчәктәге эшләрне күзаллаулары турында сөйләделәр. Полиция участок уполномоченные Дамир Гобәев җирлектәге җинаятьчелек хакында әйтеп үтте.

Җирлектә яшәүчеләрне чүпне аерым җыюга күчү, шулай ук суүткәргечне һәм Тетеевода юлны ремонтлау мәсьәләләре кызыксындыра.

Людмила Даниловна билгеләп үткәнчә җирлекне социаль-икътисади үстерү буенча эшләр дәвам итәчәк һәм халыкның яшәеш дәрәҗәсен күтәрү төп бурыч булып кала. Бу юнәлештә кече һәм урта бизнесны үстерү өчен уңай шартлар булдыруга ярдәм күрсәтеләчәк.

2019 елда күп квартирлы йортларны капиталь ремонтлау программасында катнашу, җирлек юлларын ремонтлауны дәвам итү, Нармонкада суэтем башняны үзгәртеп кору һәм Карадулида, Тетеево һәм Караишевода урамнарны яктыртуны яхшырту планлаштырыла.