Польшаны азат итү өчен сугышларда танкта янган

Без кабат район халкына мөрәҗәгать итәбез: сугыш елларында яшәгән, сугышкан һәм хезмәт куйган кешеләрнең хатирәләрен язып алыгыз. Тормышыбыз белән аларга бурычлы кешеләр турында истәлекләрне саклыйк. Бүген 1945 елның 15 мартында Польшада каты сугышта батырларча һәлак булган абыйсы турында Лаешта яшәүче Надежда Генералова сөйли.

Абыем Краснов Степан Николаевич - әтиемнең бертуган энесе - Бөек Ватан сугышы вакытында һәлак була. Ул өч ай радистлар курсларында укый. Тик Степан абый озак сугышмый - нибары ярты ел... Ул чакта Германия белән чиктә аяусыз танк сугышлары бара. Аның танкына ядрә эләгә. Кагыйдә буларак, радистларның янган танктан котылу мөмкинлеге булмый... Степан абый Польшада Вольтин авылы янында туганнар каберлегендә җирләнгән.

Ә аның ул бик яраткан кызы аны фронттан бик озак көтә. Һәлак булу хәбәре дә килә инде. Сугыш тәмамлана, ә ул барыбер көтә... Ниһаять, бер егетнең тәкъдимен кабул итә. Тик, күрәсең, үзенең Степушкасын яратуын дәвам иткәндер. Ә ире моны тоя, хатынына кул күтәрә... Ярар, монысы инде башка тарих.

Мин Степан абыйның батырларча һәлак булуы турында сөйләгәндә, аның тәненең утта януын күз алдына китерәм дә, күзләрем яшьләнә.

Хәтерлибез! Горурланабыз! Хөрмәтлибез!